--Ads--
BAGUIO CITY – Kidkiddawen ita ti PDEA-Cordillera ti tulong dagiti simbaan ken dagiti faith-based organizations para iti ad-adda a panakaikampanya ken panakaisuro dagiti dakes nga epekto ti iligal a droga.
Paset daytoy ti programa ti ahensia a panakapalawa ti panaka-ammo ti publiko iti dakes nga epekto ti iligal a droga.
Itay laeng nabiit ket sinarungkaran ti ahensia ti ili ti Kibungan, Benguet tapnu kasarita dagiti parishioners sadiay.
Karaman kadagiti topiko dagitoy ti panakailawlawag ti resolusyon ti United Nation a nangbaliw iti klasipikasyon ti marijuana ken ti takder ti PDEA ken ti Dangerous Drugs Board iti nasao a banag.
Maipalagip a sumagmamano a barangay sadiay Kibungan, Benguet ket mabigbigbig a pagmulmulaan ti marijuana.
