BAGUIO CITY – Impanamnama ti Police Regional Office Cordillera (PRO-Cor) a maipaay dagiti kaskenan a tulong para kadagiti pimmusay ken nadangran a pulis iti napasamak a rinnupak iti nagbaetan ti gobierno ken dagiti rebelde sadiay Tadian ken Bauko, Mt. Province.
Iti panagturong ni PRO-Cor Regional Director Police Brigadier General Israel Ephraim Dickson sadiay Mt. Province, kinunana a nasaken a mapapartak ti panakipaay dagiti tulong kadagiti nadangran a pulis.
Sigun kenkuana, makaawat dagiti nasao a pulis iti binnulan a pension ken assistance fund manipud iti Philippine National Police, social fund ni Presidente Rodrigo Duterte ken dagiti nagduduma nga ahensia ti gobierno a mangipaapay ti tulong kadagiti pulis a nadangran iti aniaman a kita ti ranget.
Innayonna a madama ti panakaiproseso dagiti kasapulan a dokumento dagiti pulis tapnu maawat dagitoy ti naikari a tulong pinansyal para kadagitoy.
Maipalagip a pimmusay ti maysa a pulis ken nadangran ti walo pay a kakadwana kalpasan bimtak ti maysa nga improvised explosive device nga inkali dagiti rebelde iti nagbeddenagn ti Tadian ken Bauko, Mt. Province.
