Impasigurado ti Department of Migrant Workers (DMW) ti kaskenan a tulong kadagiti 300K nga undocumented Filipinos idiay Estados Unidos iti kanito a madeport dagitoy.
Sigun kenni Department of Migrant Workers Secretary Hans Leo Cacdac, posible a maideport dagitoy kasaruno ti panagballigi ni president-elect Donald Trump agsipud ta inkarina ti mass deportation para kadagiti illegal immigrants.
Kinunana a nakasagana ti nasao nga opisina tapno tulungan dagitoy, addaan man dagitoy iti kaskenan a dokumento wenno awan.
Innayon metlaeng ti nasao nga opisina a nakikoordinar dagitoyen iti Department of Foreign Affairs tapno isagana dagitoy dagiti suppor mechanisms kas ti financial, medical, ken legal assistance babaen iti AKSYON and Emergency Repatriation Fund ti gobierno.
Malaksid iti dayta, agbirbiruk metlaeng dagitoyen iti job opportunities idiay Croatia, Slovenia, Germany, Hungary, ken Japan para kadagitoy.
