Impakaammo ni President Ferdinand “Bongbong” Marcos, Jr. nga araramiden ita ti Department of Agriculture ti kabaelanna tapno inton sumaruno a bulan, maipaay ti agarup P2,000 cash assistance para kadagiti mannalon ken mangalap.
“Sisikapin din ng Department of Agriculture na ipamahagi sa Abril sa bawat magsasaka at mangingisda ang lagpas P2,000 tulong mula sa Presidential Assistance for Farmers and Fisherfolk Program,” sigun kenni President Marcos Jr.
Inwaragawag pay daytoy a kissayan ti Civil Aviation Authority of the Philippines dagiti passenger service charge, landing, parking, ken dadduma pay a mabayadan tapno malag-anan dagiti byahero.
“Ito ay makakatulong para bumaba ang gastos ng mga airline at ang mga pamasahe sa eroplano,” kinuna ti presidente.
Para met iti sektor ti edukasyon, imbilin ni President Marcos Jr. nga pagtalinaedenda ti panangipawil ti fees ken contribution kadagiti public schools nangnangruna ita a graduation season. //bombokcs
