Impasigurado ni President Ferdinand ”Bongbong” Marcos Jr., a mangipaay ti gobierno iti tulong para kadagiti naapektaran iti pangbettak ti Kanlaon Volcano.
Sigun kenni President Marcos Jr., agtultuloy latta a mangipaay iti suporta ken tulong dagiti maseknan nga ahensya kas iti Philippine Institute of Volcanology and Seismology (PHIVOLCS), National Disaster Risk Reduction and Management Council (NDRRMC), ken iti Department of Social Welfare and Development (DSWD).
Impaganetgetna a naipasidong iti Alert Level 2 dagiti masakupan a lugar tapno masigurado ti kinatalged dagiti umili.
Immunan metten a nangipaay dagitoy iti tulong kadagiti naapektaran a pamilya kas iti food packs, sleeping kits ken dadduma pay.
Malaksid iti dayta, nakastandby metten dagiti air asset para iti dagus a panagresponde.
Kabayatanna, inawagan met ni President Marcos Jr., dagiti residente, partikular dagiti asideg iti nasao a bulkan nga agtalinaed a nasiput ket umadayo dagitoy.
Impaganetgetna metlaeng dagiti otoridad a nasken a surutenda dagiti pammilin ken pagannurutan nga imbaga dagiti local nga otoridad tapno maliklikan ti aniaman nga insidente.
