Agtultuloy ti panagkiddaw iti Department of Migrant Workers(DMW) iti tulong ti publiko para iti panakabirok dagiti dua nga Overseas Filipino Workers(OFW) idiay Hong Kong a kinumpirmar iti Philippine Consulate General (PCG) a mapukpukaw.
Pakairamanan daytoy ti agtawen iti 24 a ni Imee Pabuaya ken ni Aleli Tibay nga agtawen met iti 33.
Sigun iti imbestigasyon, naudi a nakita da Pabuaya ken Tibay idi October 4 iti maysa nga hiking spot iti Tsuen Wan District.
Kinuna ni Consul General Romulo Victor Israel Jr. a makaaw-awatda iti damag a nakaruaren dagiti dua manipod Hong Kong ngem saan pay daytoy a kinumpirmar iti immigration sadiay.
Sigun iti kabsat ni Pabuaya a ni Irene Pabuaya, naudi a nakatungtongna ti kabsatna a ni Imee idi October 4.
Nupay kasta, iti kapada metlaeng nga aldaw ket nakaawat ni Irene iti awag manipod iti employer ti kabsatna a daytoy ket mapukpukaw.
Iti agdama, padpadasen met iti (Overseas Workers Welfare Administration (OWWA) a makikoordinar iti pamilya ni Tibay a kapada ni Pabuaya a mapukpukaw.
