BAGUIO CITY–Nakasaganan ti tulong nga ipaay ti Department of Agriculture (DA) – Cordillera para kadagiti small scale miners sadiay Itogon, Benguet nga inapektaran ti napalabas a Bagyo ng Ompong.
Sigun kenni DA-Cordillera regional director Cameron Odsey, makikoordinarda iti local government unit ti Ifugao para kadagiti apektado a nagawid sadiay.
Kinunana nga agdepende ti ipaayda a tulong iti kiddawen dagiti maseknan nangruna ta saan nga amin kadagiti nagawid ket nakasagana nga agtalon.
Dinakamatna nga iti benneg ti ahensia ket saanda a mangipaay iti cash assistance gaputa abono ken bin-i laeng ti mabalinda nga ipaay kadagiti benipisaryo.
Innayonna a makikoordinarda pay iti local government unit ti Itogon nangruna ta nadakamat ti mayor ti ili a kayatna nga ital-o ti organic farming sadiay.