Inkari ti gobierno ti Israel nga ipaayda ti tungpal biag a suporta iti pamilia ti maysa a Filipina caregiver a pimmusay iti panangraut ti Iranian missile sadiay Tel Aviv.
Sigun kenni Israeli Ambassador to the Philippines Dana Kursh, maikari iti tungpal biag a benepisio dagiti pamilya a nasugatan wenno pimmusay kabayatan ti panagsusupiat, Israeli man wenno ganggannaet.
Daytoy ket nakalanad iti sidong ti linteg ti Israel.
Gapu iti dayta, manamnama nga umawat iti tulong ti pamilya daydi pimmusay a Pinay Caregiver a ni Mary Ann Velasquez De Vera.
Pimmusay daytoy kalpasan a nadaganan iti debris gapu iti missile attack ti Iran sadiay Tel Aviv.
Agingga ita a martes, awan paylaeng ti kompirmasyon no kaano a maiyawid iti pagilian ti bangkay ni De Vera.
Maipalagip nga immatake ti Iran sadiay Israel kas panangibalesda iti panagatake ti Israel ken Estadus Unidos iti pagilian dagitoy idi Sabado, February 28, 2026.
