Immado manen dagiti turista a simmangbay iti Munisipio iti Atok ita a bulan.
Nupay kasta, saan unay a mapaspasaran ti nailet a gunay ti trapiko sadiay.
Iti interview iti Bombo Radyo kenni Mayor Franklin Smith, Mayor iti Munisipio iti Atok, Benguet kinunana a “manageable” ti trapiko sadiay iti baet ti adu a panagsangbay dagiti turista.
Kabayatanna, kinuna ni Mayor Smith nga amin a bisita iti nasao a munisipio ket agturongda iti municipal gym tapno agbayadda iti environmental fee a P50 tunggal individual sakbayda nga agturong iti naidisiganar a pagparadaan dagitoy.
Malaksid iti dayta, agbayad metlaeng dagitoy iti munisipal tourism nga addaan iti diskwento.
Mainaig iti dayta, kinuna ti nasao nga opisial a kangrunaan a pagpaspasyaran dagiti turista nga agturturong iti nasao a munisipio ti northern blossom.
Kabayatanna, kinuna ti nasao nga opisial a fully booked amin dagiti dua pulo ket uppat a transient houses sadiay ken adu paylaeng dagiti reservations.//mp4
