--Ads--
Nagpalagip ni Mayor Franklin Smith kadagiti turista nga agturturong sadiay Atok a saanda unay nga agdependar iti mapa ti cellphone dagitoy.
Iti panakiuman ti Bombo Radyo kenkuana, kinunana a sumagmamano kadagiti turista ket naiyaw-awan kadagiti destinasyonda ken mamingsan ket isu pay ti rason ti panakadangranda.
Gapu iti dayta, kinuna ti Mayor a saan nga agdua-dua nga agdamag kadagiti residente gapu ta makatulong dagitoy para iti panakaisuro ti lokasyon dagiti tourist destination a mabalin a pagturonganda.
Kabayatanna, manamnama pay ti panakapasayaat dagiti kalkalsada iti nasao a munisipyo tapno ad-adda pay a mapalaka ti panagturong kadagiti nagduduma a pagpasyaran idiay Atok.//Bombo Mera Pacpacan
