BAGUIO CITY- Nakemmeg ti maysa a turista iti interdiction nga impatungpal dagiti otoridad iti Sadanga-Bontoc terminal sadiay Poblacion Bontoc, Mountain Province idi kalman.
Nabigbig ti suspek a ni Rosendo Don Tadeo, agtawen ti 24, Dental Technician ken residente ti Quiapo Manila.
Natiliw ni Tadeo kalpasan ti nagtitipino a pwersa dagiti otoridad iti interdiction operations nga impatungpal dagitoy iti terminal ti Sadanga-Bontoc masarakan sadiay Poblacion Bontoc.
Nagtaud ti suspek sadiay Manila ken simmarugkar sadiay Kalinga kas maysa a turista ngem nakemmeg kalpasan a natakwatan dagiti pulis ti bag daytoy a naglaon ti 14 a brikcs ti dried marijuana aggatad iti nasurok P1.5-M.
Addan iti kustodiya ti pulis ti suspek ken manamnama a sumango iti kaso a panaglabsing iti RA 9165 wenno Comprehensive Dangerous Drugs Act of 2002.
