--Ads--
BAGUIO CITY – Nakemmeg ti maysa a turista gapu iti panagtakawna iti nagduduma a grocery items iti maysa a pagtagilakuan sadiay Naguilian Road, Baguio City idi kanikadua.
Nabigbig daytoy a ni Rachelle Tanegra Dizon, 35-anyos ken residente ti San Gabriel St., Commonwealth Barangay, Quezon City.
Maibasar iti imbestigasyon, nadlaw ti dua nga empleyado ti mapagduadua-an a garaw ti suspek isut gapuna a dagus nga inyumanda iti uniformed security guard ti pasdek.
Nagresulta daytoy iti panakarekober dagiti saan a nabayadan a tagilako manipud iti suspek.
Nasurok iti P1,100 ti pakabuklan a gatad dagiti nasao a tagilako a bukbuklen ti saggaysa a pulbo, bangbanglo, sanitizer, bag pack ken shorts.
Naipaima ti suspek iti pulisya.
