LA UNION | Manamnama a saan a sumardeng ti panagdar-ay dagiti turista sadiay La Union nangruna ket umadanin ti summer season.
Iti panakiuman ti Bombo Radyo kenni Gino Mabalot, Municipal disaster risk reduction management officer ti San Juan, La Union, kinunana nga agtultuloy ladta ti panagsangpet dagiti turista nagruna no weekends gapu ta pagaammo ti La Union kas surfing capital of the North.
Sigun kenni Mabalot, tapno mapasigurado ti safety dagiti bisita ken turista ket nangideployda ti beach marshal kadagiti beaches tapno maliklikan dagiti kaso ti panakalmes.
No pay kasta, impaganetget ni Mabalot a rumbeng nga ammoen dagiti turista dagiti local ordinances ken ti panagpanunotda iti seguridadda tapno adda nga awan ti saan a nasayaat a mapasamak.
Kabayatanna, kinuna ni Mabalot nga idi napalabas a Holy week ket awan ti napasaranda a kaso ti panakalmes sadiay San Juan, La Union.//Mira
