Naangay ti turn-over ceremony iti liderato iti Departmennt of Public Works and Highways(DPWH) idi laeng kalman.
Daytoy ket kalpasan a naglusulos ti sigud a sekretarya daytoy a ni Manuel Bonoan nu sadino, kasaruno dayta ket naappointaran met ni Vince Dizon a sigud a sekretarya iti Department of Transportation.
Nagserbi ni Bonoan iti tallo a tawen ken dua a bulan kas maika-45 a sekretarya iti DPWH
Iti mensahe ni Bonoan, impeksana ti panagyamanna kadagiti amin a timmulong para iti panakaaramid dagiti proyekto kabayatan ti panagtakemna.
Iti met acceptance speech ni Dizon, kinunana a nupay kellaat ti panagsukat iti liderato, kasapulan a risuten ti agdama a karit a sangsangwen ti nasao a departamento.
Impettengna a napateg dagiti sumarsaruno nga 60 nga aldaw gapu ta iti dayta a makita nu kasano nga ad-adda a mapasayaat ti operasyon iti DPWH iti baet ti kontrobersya.
Sigun kenni Dizon,karaman kadagiti maipangruna ti nauneg nga imbestigasyon kadagiti naanomalyaan a flood control projects a patienna a dekadan a mapaspasamak.
