Naipaayanen iti kaskenan a tulong ken suporta dagiti tallo nga ubbing a mapapati nga inabuso ken minolistya ti bukodda nga ama idiay Lower Magsaysay Avenue.
Daytoy ket kalpasan a naduktalan ti asawana ti inaramidna iti annakda kalpasan a mabuteng ti inaudi nga anakda nga agawid iti pagtaengan dagitoy.
Ti 34-anyos nga ama ket nabigbig metlaeng kas 7th Top Most Wanted Person iti siudad ti Baguio.
Gapu iti daytoy, dagus nga inarestar dagiti otoridad daytoy gapu iti kasona a Lascivious Conduct under Republic Act 710 wenno ti Special Protection of Children against Abuse, Exploitation and Discrimination Act.
Malaksid iti dayta, naakusaran metlaeng daytoy iti uppat a kaso ti Statutory Acts of Lasciviousness under Article 366 of the Revised Penal Code in relation to RA 7610.
Iti agdama, addan ti suspek iti sidong dagiti otoridad.
