Nasarakan a sibibiag ti ubing a lalaki nga agtawen ti pito kalpasan a napukaw iti lima nga aldaw iti pagtaengan dagiti leon ken dadduma pay nga atap nga ayup iti amianan a Zimbabwe.
Nagpagnapagna ti lalaki iti aglawlaw ti Matusadona National Park abay ti lugarda idi Disiembre 27 ket nasarakan kalpasan ti lima nga aldaw ken agarup lima pulo a kilometro ti kaadayona, kinuna ti pannangiwat ti ZimParks a ni Tinashe Farawo.
Nakalasat ti lalaki babaen ti pannanganna ti “wild fruit” ken panaginom ti danum a nasarakanna babaen ti panagkalina iti igid ti karayan.
Nangiyuswat dagiti rangers, lokal nga umili ken kameng ti pulisia sadiay ti panagsapul tapno dagos a mabirukan ti ubing kalpasan a naamuanda a maaw-awan ti ubing ngem nalapdan ti panagreggetda gapu iti nakaro a panagtudo sadiay.
Dagos met a naiturong iti pag-agasan ti ubing idi nasarakan bayat a daytoy ket nakapuy ngem awan ti makita a sugatna.
