--Ads--
BAGUIO CITY – Pimmusay ti maysa nga ubing bayat a nadangran ti kabsatna kalpasan a nagaburan iti nargaay a daga ti balay dagitoy sadiay Loacan, Itogon, Benguet idi kanikadua.
Nabigbig ti pimmusay a ni Regie Ayusan Ciano, agtawen ti pito bayat a ti nadangran ket ni Oliver Ayusan Ciano, agtawen ti sangapulo.
Maibasar iti report, manarimaan ti pannangan ti pamilya Ayusan idi napasamak ti panagreggaay ti daga a nangitunda iti panakagabur ti balay dagitoy.
Gapu iti insidente, narba ti diding ken atep ti balay dagitoy a nangpandag met kadagiti biktima.
Naitaray dagitoy iti pagagasan ngem naideklara a dead on arrival ti nasao nga ubing.
