Impeksa iti kaunaan a gundaway ni Ukrainian President Volodymyr Zelensky a nakasagana daytoy nga isukona ti teritorio ti Ukraine iti Russia tapno agleppasen ti gubat.
Daytoy ket inaramidna bayat ti pannakaiuman ti maysa a British television news channel itay laeng kanikadua.
Sigun kenkuana, temporario nga isukona ti pagilianda kasukat ti pannakaipasidong kadagiti teritorio a kontrolado paylaeng ti Ukraine iti North Atlantic Treaty Organization (NATO).
Kinuna ni Zelensky nga iti kanito a napanumuanen ti ceasefire iti nagbaetanda iti Russia, mabalin a makinegosasion ti Ukraine iti diplomatiko a wagas tapno maisubli ti teritorio iti daya nga agdama a kontrolado ti Russia.
Ti statement ni Zelensky ket mangiparparangarang iti dakkel a panagbaliw ti posision daytoy.
Immuna gamin a kinuna ti Kyiv nga ituloyda ti pannakibalubal iti Russia agingga a maisubli dagiti mabigbigbig ti international community a teritorio iti Ukriane karamanen ti uppat a rehion nga inala ti Russia ken inaramidda nga “annex” idi 2022 karaman ti Crimea.
