--Ads--
BAGUIO CITY – Impasigurado ti Department of Trade and Industry (DTI) ti umdas a suplay ti arina ditoy siudad ti Baguio.
Kasaruno daytoy ti pakaseknan dagiti konsyumer ditoy siudad idi killaat nga insardeng ti kadakkelan a bakeshop iti lokalidad ti panagaramid daytoy kadagiti tinapay.
Sigun kenni DTI-Cordillera Regional Director Myrna Pablo, iti imbestigasyonda ket saan a ti kinakurang ti arina ti rason iti panagsardeng ti operasyon ti nasao a bakeshop.
dinakamatna a daytoy ket gapu iti tarigagay ti agtagikua iti bakeshop a maprotektaran dagiti empleyadoda manipud iti COVID-19.
Innayon pay ni Pablo a parikut ita ti distributor ti arina ti nasurok 3,500 a kaban ti arina a para kuma iti nasao a bakeshop no kasano a mapaibusna ti nasao a suplay.
