Impetteng ti Palasyo Malacañang a saan pay nga ita ti umno a panawen para iti posible a panangiyendorso ni President Ferdinand Marcos Jr.kenni sigud a Vice President Leni Robredo iti 2028 elections.
Sigun kenni Palace Press Officer Undersecretary Atty. Claire Castro, ti singasing a tumaray met para iti presidential race ni Robredo ket maysa a banag a raraemen ti palasyo.
Innayon ni Atty. Castro nga arigna rumrumwar iti nasao a singasing ti aksyon versus bakasyon, agtrabtrabaho ken saan nga agtrabtrabaho, ken ti inawaganna a Pro-Philippines versus not pro-any country.
Maipalagip a kadagiti press briefing ket babbabalawen iti Palasyo Malacañang ti Vice President Duterte gapu iti panagturturong daytoy iti ballasiw-taaw tapno makipagkita kadagiti Pilipino a sumarsarungkar kenni sigud a president Rodrigo Duterte a nakabalud iti detention facility iti International Criminal Court(ICC)idiay The Hague, Netherlands.
Nupay kasta, indepensa met ti bise presidente a ti panagturongna iti ballasiw-taaw ket nakalinya metalaeng kadagiti paglintegan ti Pilipinas ken iti pagalagadan iti gobyerno.
