PHILIPPINES – Ipalpalagip ti Department of Labor and Employment (DOLE) kadagiti employer dagiti pagannurotan seknan iti umno a tangdan wenno panangipaay ti sueldo kadagiti empleyado iti Labor Day inton Mayo 1.
Maibasar iti Labor Advisory No. 6 series of 2024, kinuna ni Labor Secretary Bienvenido Laguesma a ti Mayo 1 a maob-obserbar kas Labor Day ket naiproklama kas regular holiday kas maibasar iti Presidential proclamation 368.
Nu sadino dagiti empleyado iti pribado a sektor a sumrek iti trabaho iti nasao nga aldaw ket rumbeng a makaawat ti double pay.
Dagiti met empleyado nga ag-overtime ket masapol a manayonan ti 30% ti hourly rate dagitoy.
Malaksid iti dayta, dagiti met empleyado nga agtrabaho uray rest day da ket rumbeng a manayonan ti 30% ti basic wage da iti umuna a walo nga oras ti panagtrabaho dagitoy ken nu nag-overtime ket masapol a mabayadan metlaeng ti hourly rate da iti kanayonan a 30%.
Para met kadagiti empleyado a saan a sinumrek iti Labor day, mabayadan dagitoy ti 100% iti sueldo da nu nagreport dagitoy wenno naka-leave of absence with pay iti mismo nga aldaw sakbay ti regular holiday.
