BAGUIO CITY – Nagbalin a naannayas iti umuna nga aldaw ti panakaisayangkat ti Misa de Gallo wenno Aguinaldo Mass iti Our Lady of the Atonement Cathedral wenno iti Baguio Cathedral itay parbangon.
Iti interview ti Bombo Radyo Baguio, kinuna ni Fr. Abner Dalilis, assistant parish priest ti Baguio Cathedral a naannayas latta ti naangay a misa iti baet a limitado ti bilang dagiti napalubusan a sumrek iti simbaan.
Kinunana a saanna a ninamnama nga adu dagiti nakipaset iti nasao a misa gapu kadagiti limitasyon kasaruno iti nainget a panakaipatungpal dagiti protocols kontra iti COVID-19.
Tinagiragsakna met ti umno a panakasurot ti social distancing iti uneg ti simbaan.
Kagiddan iti dayta, inyapelana ti panangsurot dagiti church goers kadagiti protocols tapnu maliklikan ti panagwaras ti COVID-19 bayat ti siyam nga aldaw a Misa De Gallo.
Kabayatanna, inyawisna metlang ti misa iti alas singko ken alas sais iti minalem tapnu magudwa ti bilang dagiti dumar-ay iti Misa De Gallo wenno Simbang Gabi.
