Inwaragawag ti Land Transportation Franchising and Regulatory Board (LTFRB) a saanen a mabalin nga agpasada dagiti traditional jeepney drivers pakairamanan dagiti operators a saan a nakapagconsolidate kadagiti kooperatiba kalpasan ti naituding a deadline daytoy idi Abril a trenta, iti agdama a tawen.
Iti baet dayta, kinuna ni Land Transportation Franchising and Regulatory Board (LTFRB) Teofilo Guadiz III, a saan pay a nangipaulog ti ahensia iti show cause orders kadagiti unconsolidated jeepney drivers ken operators.
Panggep ti nasao nga show cause order nga ilawlawag dagiti saan a nakapagconsolidate a jeepney drivers ken operators ti rason iti saan dagitoy a panagtungpal iti nasao a deadline.
Sigun kenni Guadez III, saanen a mabalin nga agbyahe dagitoy agsipud ta nangrugi idi Mayo a dos ket naikkat ti prangkisa dagitoy.
Malaksid iti daytoy, maikonsiderar pay dagitoy nga iligal ken colurom.
Kabayatanna, manamnama a maipaay ti P200 million a pundo kadagiti naawanan iti trabaho a drivers ken operators kas tulong tapno adda usaren dagitoy nga agnegosyo
