--Ads--
Baguio City – Nasarakan ti maysa nga Unexploded Ordnance idiay Adavong, Caponga, Tublay, Benguet idi kalman.
Maibasar iti report manipud iti Tublay Municipal Police Station, nakaawatda iti tawag manipud kenni Jeremy Darcio iti alas onse iti agsapa.
Naduktalan a maysa a marunrunot nga 81MM High Explosive M56 ken 19-inches ti kaatiddog iti nakita a saan pay a bimtak a bomba,
Nakitada daytoy bayat iti panagkalida para iti panagurnosda iti likudan iti maysa a balay.
Nai-turn over ti nasao a pampabettak iti personnel iti explosives division iti Police Regional Office Cordillera para iti umno a disposisyon.
