Naituding nga iyuswat ti gobierno ti national emergency hotline inton Hulio kas maitunos iti panagregget a maitandudo ti seguridad iti pagilian, sigun kenni President Ferdinand “Bongbong” Marcos Jr.
Manamnama nga agbiag ti Unified 911 Emergency System iti sumaruno a bulan kadagiti lugar a kas ti National Capital Region (NCR), Bangsamoro Autonomous Region in Muslim Mindanao (BARMM), Ilocos Region, ken idiay Central Visayas.
Sigun kenni President Marcos Jr., rugiandan a mangideploy kadagiti ad-adu pay a pulis wenno ti maaw-awagan a ‘Cops on the Beat.’
Kabayatanna, sigun met iti Department of the Interior and Local Government (DILG), ti emergency hotline ket agar-aramat ti “cutting-edge technology” tapno maipasigurado ti napartak a panagresponde dagiti frontline units a kas ti Philippine National Police (PNP) ken ti Bureau of Fire Protection (BFP) bayat a manarimaan ti panangsukimatda kadagiti “nuisance calls.”
Maipalagip nga idi laeng napalabas a lawas, kinuna ni PNP chief Nicolas Torre III a makikikoordinaren dagiti kameng ti pulisia iti lokal a gobierno tapno maiyemplementar ti polisia daytoy a “five-minute emergency response”
