Umap apela ti Unified Maharlika Tenants Association Incorporated iti City Council nga ipababa ti naituding a standard rental fee ti Maharlika Livelihood Center a nakalanad iti Interim Policy Guidelines of the Maharlika Livelihood Center Pending the Formulation of its Master Development Plan and Establishment as Local Economic Enterprise.
Iti nasao nga ordinansa ket nakalanad a ti renta tunggal square meter iti tunggal aldaw ket para iti Basement P30, Ground Floor P34, 2nd floor P32, 3rd floor P30, 4th floor P28, 5th floor P26, 6th floor P24, daytoy ti nagpag nunumuan ti city council renta tapnu mabayadan ti P400 million iti las-ud ti sanggapulo a tawen gapy ta kasapulan nga agloan ti syudad para iti nasao a pondo.
Sigun kadagiti kameng ti Unified Maharlika Tenants Association Incorporated ket nangato unay ti naituding a rental rate a mang-apektar iti negosyo dagitoy, innayonda a posible a matay wenno ag-sardeng dagiti dadduma a negosyo idiay nu masurot ti baro a rental rate gapo ta saan met nga inaldaw a dakkel ti malaklakwan dagitoy.
Kinunada a saanen a presyong pang masa ti rental fee nubm sadinno arignan a kasla nag renta dagitoy iti mall, Sigun met ti City Council ket sakto laeng daytoy ken ti nasao a rental fee ket para metlaeng iti maintenence ti Maharlika, ken nasken met laeng a ngumato ti renta gapu ta madevelop met ti Maharlika.
Innayon met ti City council a nu saanda a kayat ti baro a rental rate ken umalis dagitoy ket nawaya met nga akseptaren ti Maharlika Livelihood Center management dagiti baro nga ag negosyo sadiay.
Ita a gundaway ket pirma laengen ni Mayor Magalong ti maur-uray tapnu pormal nga agbalin nha ordinansa nga Interim Policy Guidelines of the Maharlika Livelihood Center Pending the Formulation of its Master Development Plan and Establishment as Local Economic Enterprise.//Bombo Jerwin Aquino
