Impakaamo ti United Nations’ World Food Programme a naibusen ti taraonda idiay Gaza kalpasan ti dandani dua a bulan kalpasan ti pannakalapped dagiti tulong.
Sigun iti nasao nga organisasion, intuloddan ti maudi a taraon idi laeng kalman, ken manamnama a maibus dagiti suplayda kadagiti sumaganad nga aldaw.
Iti statement ti nasao nga orgasinasion, “hot meals” manipod iti kusina ti kakaisuna a kanayon a pagtataudan ti food assistance para kadagiti tattao idiay Gaza.
Maipalagip nga idi Marso a dos, imbilin ti Israel ti pannakalapped ti humanitarian assistance, a nangputed iti taraon, medikal a suplay, ken dadduma pay a tulong kadagiti nasurok a 2 milion a Palestinian nga agnanaed idiay Gaza.
Inlawlawag ti Israel a ti pannakalapped dagiti tulong, agraman ti panangpalawa ti militar iti panangbombada iti Gaza, ket nairanta a mangpilit iti Hamas nga umawat iti singasing a ceasefire a supsuportaran ti Estados Unidos.
Nalawag nga imbaga ti Estados Unidos a saanda nga iduron a mangipalubos iti ad-adu pay a humanitarian aid.
Kabayatanna, kinuna ni Mike Hucakbee, ti baro nga US Ambassador iti Israel, a kiniddaw ti maysa nga opisial ti UN World Health Organization kenkuana a mangpilit iti Israel a manglukat kadagiti beddeng.
Iti agdama, dumanon iti nasurok a 116,000 metric tons ti taraon ti agur-uray iti aid corridors iti ruar ti Gaza a nakasagana a maiturong iti WPF ken ti partner daytoy, ken ti organisasion.
