Simmango ni US Presidente Donald Trump ti panangbatikos manipud iti publiko kalpasan a nakitada dagiti social media user sadiay ti panangi-share daytoy iti maysa a racist video kontra kenni sigud a nga United State President Barack Obama ken ti asawa daytoy a ni sigud nga First Lady Michelle Obama a dagos nga innikat ti Truth Social account.
Makita iti nasao a video ti sumagmamano a segundo a mangipakpakita iti rupa ti agasawa nga Obama kadagiti bakes. Karaman met laeng iti nasao a bidyu ti panangipromote iti maatap a panangluko iti 2020 US Presidentil Election.
Pinaglibakan ti White House idi umuna ken inawaganda daytoy kas “fake outrage”. Sigun pay kenni White House Press Secretary Karoline Leavitt, ti video ket paset laeng iti internet meme.
Nupay kasta, kalpasan iti 12 nga oras, binawi daytoy ti administrasyon ken innaklonda a nagkamali ti maysa a staff member da nga isu iti nangishare iti nasao a post.
Maururay pay laeng ti komento ti agasawa nga Obama seknan iti nasao nga isyu. // Bombo Karen Calpoe Sapirao
