BAGUIO CITY – Natalgeden ti kasasaad dagiti lima a pulis a nadangran iti ambush sadiay Sitio Aguibo, Poblacion, Malibcong, Abra idi kalman.
Segun kenni PSSupt. Alexander Tagum, provincial director ti Abra Provincial Police Office, natalgeden ti kasasaad da PO2 Jessie Trinidad, PO1 Jerome Baldos, PO1 Von Harold Layao, PO1 Kennon Sanggoy ken ni PO1 Marlon dela Paz.
Patien met ti opisyal nga adda ti nadangran iti benneg dagiti rebelde.
Maipalagip nga adda iti nasao a lugar ti convoy dagitoy kalpasan ti panangraut dagiti maatap a kameng ti New People’s Army iti temporary base ti Malibcong PNP idi bimtak ti landmine iti ayanda sakbay dagitoy a pinatudoan iti bala dagiti kalaban.
Kinumpirmarna met a nakaawatda iti report mainaig iti ar-aramiden dagiti rebelde kas iti panagdawatda iti taraon ken kwarta kadagiti umili.
