--Ads--
BAGUIO CITY – Naiyawiden iti pagtaenganda sadiay Naglabrahan, Guimba, Nueva Ecija ti bangkay ti turista a pimmusay bayat ti panag-urayna iti panagrugi ti Grand Street Dance Parade a paset ti Panagbenga 2018.
Nabigbig daytoy a ni Evelyn Tabing Bautista, 52-anyos, naasawaan, housekeeper ken residente ti Guimba, Nueva Ecija.
Maibasar iti report, manarimaan ti panagtaktakder ti turista ken ti pamilyana iti paset ti Upper Session Road ken ur-urayenda ti panagrugi ti float parade idi napukaw ti puot daytoy.
naitaray ti nasao a turista iti pagagasan ngem naideklara a declared dead on arrival babaen kadagiti doktor.
Nagkedked met ti pamilya ti turista a maipasidong ti bangkay iti otopsiya gaputa patienda a natay daytoy iti natural a wagas.