--Ads--
BAGUIO CITY – Maitabon inton December 28, aldaw ti Sabado ti bangkay ni Benguet Congressman Nestor Fongwan Sr.
Napagnumuan ti pamilya Fongwan a maimassayag ti bangkay ti kongresista iti siyam nga aldaw.
Babaen iti daytoy ket maipaayan iti gundaway dagiti papagayam, kabagyan ken umili a mangipaay iti maudi a respeto iti opisyal.
Maiturong ti bangkay iti Municipal Hall ti La Trinidad para iti public viewing iti agsapa ti December 27.
Iti kamalemanna, maiturong ti bagi ti kongresista iti Provincial Capitol ti Benguet sakbay a maisubli iti pagtaenganda iti karabiianna.
