BAGUIO CITY – Nanayonan manen ti medalya a nagun-od dagiti atleta ti rehion Cordillera iti manarimaan a Palarong Pambansa 2017.
Iti panakiuman ti Bombo Radyo kenni Department of Education (DepEd) – Baguio City Sports Coordinator Fernando Eleponga, kinunana nga iti agdama ket 8 a gold medals ti naala ti Team Cordillera, 5 iti taekwando, 1 iti arnis, 1 iti wrestilng ken 1 iti archery.
Adda met ti 3 a medalya a silver ken 3 metlaeng a medalya a bronze.
Manamnama met a manayunan pay dagiti medalya nangruna iti tay-ak ti wrestling, wushu, arnis ken taekwando.
Innayonna nga iti combative sports a kadawyan a mangal-ala ti Team Cordillera iti medalya.
Maipalagip nga immunan nga impanamnama ni Dr. Eleponga a natalged latta dagiti atleta ti rehion sadiay nangruna ta adda dagiti mangipapaay iti seguridad ken nainget met ti panangipasiguradoda a nalinis dagiti taraon nga ipapauneg dagiti atleta.
