BAGUIO CITY – Maitabon ita nga aldaw ni PO1 Vincent Paul Tay-od a maysa kadagiti uppat a pulis a pimmusay sadiay Lubuagan, Kalinga kalpasan a nakipinnaltog kadakuada ti national level high value target a ni Willy Sagasag nga iserbianda kuma iti arrest warrant.
Sigun kenni PSSupt. Brent Madjaco, provincial director ti Kalinga PNP, immunan a naitabon idi kanikadua ni PO1 Charles Compas ken idi kalman ni PO3 Cruzaldo Lawagan bayat a naitabon metten ti suspek a ni Sagasag idi napalabas a Biyernes.
Maitabon met inton Miyerkules ti bangkay ni PO2 Jovenal Aguinaldo.
Maipalagip a pimmusay dagiti uppat a miyembro ti Kalinga Provincial Public Safety Company bayat nga agpapaimbag paylaeng iti pagagasan ti tallo pay a kakaduada dagitoy a nadangran iti nasao nga insidente.
