BAGUIO CITY – Nagballigi ni sigud a ONE Flyweight World Champion Geje ‘Gravity’ Eustaquio iti panagsublina iti uneg ti octagon kalpasan nga inabakna ni Song Min Jong ti South Korea iti panagsangoda iti co-main event ti ONE: Inside the Matrix III a naangay sadiay Singapore.
Inabak ti Team Lakay fighter ni Song Min Jong babaen iti unanimous decision.
Sigun kenni Eustaquio, sinukatanna ti taktikana iti katenggaan ti labanda kenni Jong a nakatulong iti panangabakna.
Nupay kasta, agpada a napaay met ti kampanya dagiti dua a kadwa ni Eustaquio.
Daytoy ket kalpasan a naabak ni sigud a ONE Bantamweight World Champion ken No. 1-ranked contender Kevin ‘The Silencer’ Belingon kontra kenni No. 5-ranked John ‘Hands of Stone’ Lineker ti Brazil iti main event ti fight card.
Naabak ni Belingon babaen iti technical knock out iti maikadua ti labanda kenni Lineker.
Naabak metlaeng ni No. 5-ranked strawweight contender Lito ‘Thunder Kid’ Adiwang iti labanda kenni Hiroba Minowa ti Japan babaen iti split decision.
