BAGUIO CITY – Adayon ti nangitarayan dagiti delegado ti siudad ti Baguio iti dadduma a partisipante ti Cordillera Administrative Region Athletic Association (CARAA) Meet 2017.
Maibasar iti kaaudian a medal tally ti aktibidad idi rabii, nakagun-od ti siudad ti Baguio iti 125 gold medal, 65 silver ken 43 broze; maikadua ti Benguet a nakagun-od iti 11 gold, 41 silver ken 33 broze; sumaruno ti Mountain Province para iti 7 gold, 5 silver ken 25 bronze; Kalinga 5 gold, 20 silver ken 17 bronze.
Nakagun-od met ti Apayao iti 5 gold, 11 silver ken 30 bronze; Ifugao a 3 gold, 14 silver ken 36 bronze ken ti Abra a 3 gold, 2 silver ken 9 bronze.
Sigun kenni DepEd-Cordillera Information Officer Georaloy Palao-ay, adun dagiti nalpas nga ay-ayam iti aktibidad a pakairaman ti billiards, athletic events, track and field, dadduma a swimming events, taekwando iti elementary division ken dadduma pay.
Dinakamatna a manarimaan pay laeng ti elimination rounds kadagiti ball games ken pin games.
