(UPDATE) Suspects a nangbugbog iti maysa a baro a nangitunda iti ipupusayna sadiay La Trinidad, Benguet, nakemmeg

BAGUIO CITY – Naipilaanen iti kaso a homicide ti tallo a barito wenno menor de edad a maatap a nangbugbog iti maysa a baro a nangitunda iti ipupusay daytoy sadiay La Trinidad, Benguet idi kalman.

Segun iti La Trinidad Municipal Police Station, nakemmeg dagiti nasao a suspek kalpasan nga intuddo dagitoy ti kadwa ti biktima.

Immunan a nabigbig ti biktima a ni Denver Munar Belen, 18-anyos, tubo ti San Juan, La Union ken residente ti Western Buyagan, La Trinidad, Benguet.

Naamuan a sakbay a napasamak ti nasao a panagbugbog ket nagiinom ti grupo ti biktima ken nakursunadaan daytoy ti maysa pay a grupo nga agin-inom.

Intaray dagiti kakadwana ti biktima iti ospital ngem pimmusay met laeng gapu iti neurogenic shock.