BAGUIO CITY – Bimmaawen ti tensyon iti komunidad sadiay Malibcong, Abra nga immunan a nakapasamakan ti dua a nagsina a panagraut babaen kadagiti maatap a kameng ti New People’s Army.
Segun kenni Abra Governor Maria Jocelyn Bernos, dagiti laeng kangrunaan a naapektaran iti nasao a panagraut ket dagiti pagadalan isut gapuna a masapsapa a rumuar iti pagadalan dagiti estudyante.
Kabayatanna, ita nga aldaw ket sinublaten dagiti kameng ti Regional Public Safety Company ti panakaimaton ti Malibcong police station bayat a maipaspasidong iti imbestigasyon dagiti pulis a naka-duty idi napasamak ti panagraut.
Immunan a naipaayan idi kalman iti Medalya ng Sugatang Magiting dagiti lima a kameng ti Abra Provincial Public Safety Company a nadangran iti nasao a ambush.
Naiyakar metten sadiay Baguio General Hospital and Medical Center da PO1 Von Harold Layao ken ni PO1 Kennon Sanggoy, naiturong met sadiay La union Regional Hospital ni PO1 Gerome Baldos bayat nga agtaltalinaed iti Abra Provincial Hospital da PO2 Jessie Trinidad, ken ni PO1 Marlon dela Paz.
