--Ads--
BAGUIO CITY–Nabigbigen ti bangkay a nasarakan sadiay Balacbac Sto. Thomas syudad ti Baguio.
Nabigbig daytoy a ni Wilfredo Dio-alam Gunadan, 40-anyos, naasawaan, tubo ti Bagu, Bakun Benguet ken residente ti Central Buyagan, La Trinidad Benguet.
Maibasar iti imbistigasyon ti pulisya, immunan a nakemmeg ti biktima iti kaso a robbery with intimidation sadiay Ilocos Sur ken Robbery with Force Upon Things sadiay La Trinidad.
Malaksid iti daytoy, sumangsango daytoy iti kaso a murder sadiay Candon, Ilocos Sur.
Kabayatanna, naipaspasidongen iti otopsiya ti bangkay ti biktima ken agtultuloy ti imbistigasyon dagiti pulisya iti nasao a krimen.
