BAGUIO CITY – Manarimaan ti panakaisakad ti upgrade para kadagiti 4P’s beneficiaries ditoy pagilian.
Daytoy ket babaen iti initiatiba ti Department of Social Welfare and Development babaen iti panakaisakad ti online banking tapno mapalaka ti panakaiparuar ti pondo.
Kasaruno daytoy dagiti mapaspasaranda nga attidog a pila kadagiti ATM machines dagiti banko tunggal pay-out.
Babaen iti upgrade, mabalin a maatamat dagiti ATM card dagiti benepisyaryo para iti panagdeposit ken withdrawal.
Malaksid iti dayta, mabalin pay nga aramaten daytoy ks personal account tapno makaurong dagitoy.
Maipalagip nga iti AMT card-da ket maar-aramat laeng para iti withdrawal iti monthly cash assistance dagitoy.
Kabayatanna, ti nasao a wagas ket makatulong tapno malapdan ti panangisangla dagiti benepisyaryo kadagiti ATM card dagitoy.
Agtultuloy met ti nainget a panangiwanawan ti maseknan nga ahensiya iti nadakamat nga insidente ken posible a mamulta dagiti matiliwan nga agar-aramid iti nasao a banag.//Bombo Jerwin Aquino
