Inwaragawag ti Departmen of the Interior and local Government (DILG) a mangiyuswat ti gobierno iti upgraded ken fully-integrated national emergency response system intun Agosto.
Sigun kenni DILG Secretary Jonvic Remulla, manamnama a mangpasayaat daytoy iti emergency response time ken koordinasyon iti intero a pagilian.
Tampok iti baro a sistema ti language-sensitive services no sadino, sungbatan dagiti call center agent dagiti caller iti lokal a dialekto a naibatay iti lokasion ti tumawag.
Malaksid iti dayta, maimaymaysa dagiti agdama a fragmented hotlines dagiti local government units (LGUs), a mangitipon kadagitoy iti centralized command center nga addaan iti nationwide coverage iti intero a Luzon, Visayas, ken Mindanao.
Napondoan daytoy iti ₱1.41 Bilion a badyet tapno mapapigsa ti panaggunay dagiti law enforcement babaen ti deployment dagiti nasurok 1,000 a motorsiklo ken 1,000 a lugan para iti naparpartak nga emergency response ken dadduma pay.
