--Ads--
BAGUIO CITY – Nauram ti 800 square meters a pribado a lote sadiay #321 Tam-awan, Pinsao Proper, Baguio City idi alas dies ti rabii.
Naireport ti insidente babaen kenni Dra. Paz C. Camdas, residente metlaeng ti nasao a lugar.
Maibasar iti inisyal nga imbestigasyon, napasamak ti uram gapu iti upos ti sigarilyo nga imbarsak ti maysa kadagiti lugan a limmabas.
Naideklara ti fire-out, alas dies metlaeng idi rabii.
Sigun iti Quirino Hill Fire substation , awan ti naapektaran a babbalay.
Agtultuloy latta ti imbestigasyon dagiti otoridad tapno maamoan ti dadduma pay a rason iti panakapasamak ti grass fire.
