BAGUIO CITY-Nauram ti four-story residential building iti paset ti North Santo Tomas Road sadiay Sto. Rosario Barangay, Baguio City idi March 02, 2026.
Sigun kenni Investigator FO2 Clint Dominic Labon, awan ti nadangran ken pamilya a napektaran.
Naireport kadakuada ti insidente iti 6:24 pm.
Dagus a nagresponde dagitoy ken naideklara a fire out iti pasado ala siete ti rabii.
Sigun kenni Wilson Bumay-et, dadaulo ti Federation of Jeepney iti siudad ti Baguio ken Benguet, awan ti agnanaed iti residential house idi napasamak ti insidente ngem sumagmamano kadagiti tarakenda ti adda sadiay.
Innayon daytoy a 6:15 pm nga impakaammo ti maseknan nga indibidual a maur-uram ti nasao a pasdek.
Gapu iti dayta, dagusda a nagturong ngem napigsan ti uram idi simmangpetda sadiay.
Nagtitinnulong dagitoy kaduadda dagiti volunteers.
Nupay kasta, saanda a nakayanan gapu iti kinapigsa ti uram.
Sigun kenkuana, nagrugi ti uram iti maikatallo a kaadsaran ti nasao a pasdek.
Iti agdama, agtultuloy ti imbestigasion dagiti otoridad tapno maamuan ti rason iti napasamak nga uram ken ti gatad dagiti nadadael. //VIA Bombo Jay Ann Gabrillo
