Naduktalan nga uppat a lote wenno 38.83 nga ektarya sadiay Taguig ti ilegal a na-reclaim ken addaan iti iregularidad kadagiti titulo.
Sigun kenni Senator Ping Lacson, karaman kadagiti “fraudulent title” ti 5,000 sqm parcel a dimmalan iti Judicial/Ordinary Land Registration Processing; 9,204 sqm a sakop ti Administrative Patent; 181,077 sqm a lote iti sidong ti Homestead Patent ken 193,027 sqm parcel nga addaan iti iregularidad a titulo.
Malaksid iti dayta, uppat metlaeng parcels ti awanan iti plotted titled lots iti digital file ti Land Registration Authority (LRA).
Sigun iti Senador, amin a dokumento ket maisumitir iti Ombudsman fact-finding team para iti umno nga aksyon.
Inwaragawag daytoy ti Senador, kalpasan a maulit-ulit ti a panagkiddaw ni Senador Alan Peter Cayetano iti ebidensya seknan iti nasao nga isyu.