Impakaammo ti Department of Migrant Workers nga sumangsango iti death penalty dagiti uppat a pulo ket uppat a Pilipino idiay ballasiw taaw.
Sigun kenni Senator Joel Villanueva, pakairamanan daytoy dagiti uppat a pulo ket maysa a Pilipino idiay Malasyia, dagiti dua nga adda idiay Brunei bayat a maysa idiay Saudi Arabia.
Mapapati a kaaduan kadagiti kaso dagitoy ket adda pakainaiganna iti iligal a droga ken panangpapatay.
Kinuna ni Villanueva a napatawan ti maysa a Pinay iti death penalty idiay Saudi Arabia kalpasan a pinatay ken sinaksakna ti amo daytoy gapu iti mapapati a verbal ken physical abuse nga inaramid ti amona.
Dagiti met dua a Pilipino idiay Brunei ket napatawan iti nasao a pannusa gapu iti kaso a panangpapatay bayat a dagiti nadakamat a Pilipino idiay Malaysia ket adda pakainaiganda iti iligal a droga.
Gapu iti dayta, kanayon nga imonmonitor dagitoy ti nasao nga opisina bayat a naipaayan met dagitoy iti financial assistance.
