BAGUIO CITY – Kukwestionaran ti city council ti uppat a pulo nga aldaw a panaglako dagiti exhibitors idiay Rose Garden, Burnham Park, Baguio City.
Iti interview ti Bombo Radyo kenni City Councilor Ma. Mylene Victoria Yaranon, awan ti kiniddaw dagiti maseknan a request wenno special permit para iti panaglako dagitoy.
Sigun iti nasao a konsehal, impetteng dagiti exhibitor nga adda ti impaulog ni Mayor Benjamin Magalong nga executive order a mangipalpalubos iti christmas market pakairamanan ti panaglako dagiti exhibitors iti uneg ti uppat a pulo nga aldaw.
Nupay kasta, inlawlawag ni Yaranon nga adda ti ordinansa a mangiparparit iti panaglako kadagiti parke gapu ta naituding laeng dagitoy kas pagpasyaran wenno pagturongan ti publiko.//Marinel Rodrigo
