BAGUIO CITY – Dinayaw ni Mayor Mayor Mauricio Domogan dagiti babbarangay ti siudad ti Baguio gapu iti napintas a performance dagitoy iti Liga ng mga Barangay Street Dance Competition kagiddan ti pormal a panaglukat ti Panagbenga.
Nagun-od met ti District 13 ti umuna a pwesto bayat a nagun-od ti District 19 ti maikadua a pwesto, nagun-od ti District 20 ti maikatlo a pwesto bayat a nagun-od ti District 8 ti maikapat a pwesto.
Ti District 13 ket bukbuklen ti Camp 7, Camp 8, Military Cut-Off, Poliwes ken San Vincente bayat a ti District 19 ket bukbuklen ti Aurora Hill Proper, Brookside, East Modern Site, Lopez Jeana ken West Modern Site Barangay.
Ti District 20 ket bukbuklen ti Holy Ghost, Holy Ghost Honeymoon, Holy Ghost Extension, Holy Ghost Proper, Imelda Village ken Manuel Roxas bayat a ti District 8 ket bukbuklen ti Camdas Subdivision, East Quirino Hill, Happy Homes, Lower Quirino Hill, Middle Quezon, Pinget ken West Quirino Hill.
Immuna metten a dinayaw ti mayor ti dakkel a panangsuporta dagiti babbarangay kadagiti pagadalan iti masakupan dagitoy a nakipaset iti Drum and Lyre – Street Dance Competition iti Elementary Division.
