Nadangran ti uppat nga indibidual kalpasan a naaksidente dagitoy idiay Bontoc- Banaue Road, partikular iti Oolin, Doddo, Talubin iti pasadu 4:00 PM ita nga aldaw, April 21, 2025.
Nakaawat ti Emergency Operation Center (EOC) iti awag seknan iti nasao nga insidente, isu’t gapuna a dagus dagitoy a nagresponde.
Maibasar iti inisial nga interview dagiti otoridad, nakapasar iti mechanical malfuction ti elf truck a nagapu iti Nueva Vizcaya ken paturong idiay Botoc.
Gapu iti dayta, napukaw ti kontrol ti driver ken naidungpar iti concrete barrier.
Dagus met nairuar ti driver iti truck ken naipaayan first aid iti isu metlaeng a lugar kalpasan a maatap a nagsagrap iti fracture iti makinkanigid a tumeng daytoy.
Kabayatanna, nagsagaba iti head contusion dagiti dadduma pay a tallo a pasahero, pakairamanan ti dua a menor de edad ken maysa nga addan iti umno nga edad.
Amin dagiti biktima ket manarimaan nga agpatpattaming iti Bontoc General Hospital.
