Impablaak ti National Bureau of Investigation (NBI) a nakemmeg ti uppat nga indibidual gapu iti maatap a human trafficking ken ti panangispal kadagiti agarup sangagasut nga indibidual manipod iti maysa a club idiay Makati City.
Sigun iti nasao nga ahensia, kinemmeg dagiti nagtinnipon nga operatiba ti operator ti club kasta metten ti maysa nga indibidual a nakaawat ti bayad para kadagiti biktima bayat ti entrapment ken rescue operation idi Marso a siete.
Ti operasion ket insayangkat babaen ti NBI-Organized and Transnational Crimes Division (OTCD) kaduada ti Makati Social Welfare Development (MWSD), NBI-Human Trafficking Division, ti Inter-Agency Council Against Trafficking, ken ti non-governmental organization.
Iti agdama, adda dagiti agarup sangagasut a customer care assistants (CCAs) ti club iti local government units.
Kabayatanna, dagiti suspek ket sumango iti reklamo a panaglabasing iti Section 4(a) ti Anti-Trafficking in Persons Act of 2003.
