Inwaragawag ti gobyerno ti Taiwan nga adda ti uppat nga indibidual a pimmusay bayat a nasurok lima pulo dagiti nadangran iti panagdayyeg ti 7.2 magnitude a gingined idiay Taiwan kalpasan ti dua pulo ket lima a tawen.
Nairekord ti casualty iti eastern county ti Hualien, ti epicenter ti nasao a gingined.
Dumanon met iti dua pulo ket innem a pasdek ti nagcollapse nu sadino kaadoan ket idiay Hualien nu sadino dua pulo nga indibidual ti natrap ken narescue bayat ti panagtrabahoda.
Maipalagip a dimmayeg ti napigsa a gingined iti nasao a pagilian alas otso itay agsapa bayat ti panagturong dagiti estudyante ken empleyado iti trabaho.
Inwaragawag met ti Central Weather Administration ti Taiwan a ti kauneg ti nasao a gingined ket 15.5km.
Inwaragawag met ti Department of Foreign Affairs nga awan ti nadangran nga Overseas Filipino Workers iti napasamak a didigra.//Reuters
