Uray saan a nagginura ti pamilya Marcos ken Duterte ket ipalubos latta ni President Ferdinand Marcos Jr. ti kiddaw ti Interpol a tiliwen ni sigud a President Rodrigo Duterte kas panagtulnogna iti linteg.
Daytoy ti kinuna ni Palace Press Officer Undersecretary Attorney Claire Castro iti ambush interview ita nga aldaw.
Immunan a narakrak ti relasyon ti Marcos ken Duterte kalpasan a kinuwestionaran ti Kongreso ti panang-aramat ni Vice President Sara Duterte iti confidential ken intelligence funds.
Ditoy a nagramot ti pannaka-impeach ni VP Sara iti kongreso idi Pebrero 5 nu sadino 200 a mammanday-linteg ti nangipeksa iti suportana a mapapanaw daytoy iti pwesto.
Naipaima metten iti Senado ti Articles of Impeachment iti nasao metlaeng nga aldaw.
Naituding met a talantanen daytoy dagiti Senador inton Hunyo ti agdama a tawen.
